PUBLICACIÓN ONLINE DO TRABALLO EXPOSTO EN CLASE

Antes de nada, concretar que como xa falamos con Marita, o noso traballo foi esencialmente oral e de exemplificar a través de webs e imaxes, polo que o contido escrito eran esquemas que nós íamos desenvolvendo. Por iso, o contido escrito redactado é escaso, pero redactamos un pouquiño máis algunha das ideas para publicala aquí. Tamén sentimos a tardanza, pero coas vacacións de por medio non estivemos xuntos os compoñentes de grupo polo que non podíamos poñer en conxunto as distintas partes do traballo nin redactar as ideas para poñelas na web.

Pero agora aquí está xa o noso traballo iogurteiros! Subiremos tamén a presentación Power Point para que poidades ve-las imaxes coas que desenvolvemos o noso traballo.

Saúdos e ata pronto!

Deseño centrado no usuario e redes sociais

Respecto a exposición de Xacobe, Beatriz e Nuria pareceunos unha exposición con un amplo contido teórico e interesante no aspecto en que quedaron claros os contidos que debe ter unha páxina para que sexa de maior gusto do usuario. Quizáis foi un pouco breve e puido ser algo máis amena con algun tipo de exemplificación.

Respecto as redes sociais como foi a nosa exposición nada que comentar. Simplemente que a nosa rede favorita é Facebook porque ten maior cantidade de aplicacións apesar de que non sexa a máis facil de usar. Que sexa a nosa favorita non quere decir que sexa a máis difundida, que está claro que neste país funciona mellor tuenti. Por outro lado animamosvos yogurines a facervos un Twitter!

Saúdos e biquiños de Yogurt de chocolate!!!

Preguntas acerca dos documentos

Guia Breve CSS

- Non queda claro o tema dos selectores e das declaracións
- Non se entenden ben os exemplos de como dar estilo a un documento

Evolución web

- ¿Que son wikis?
-¿Que é un lector RSS?

Origenes animación

-¿Que é un Sketchpad?

Tipografía

-¿En que afecta o uso do HTML na tipografía?

Tags_ audiencias

-¿Que son cachés e proxies?
- Non queda clara a diferencia entre tags e logs

Etiquetashtml

- Non explica en ningun momento como combinar estes códigos para crear unha web

Imaxex_web
- ¿En que se diferencia un TIFF dun BMP?

Comentario e reflexión sobre a exposición: Calidade dos contidos web

Unha competencia tan importante como a propia existencia dunha páxina web;
a calidade dos contidos que pretende transmitir ao internauta que a ela accede.
O certo é que ao falar de calidade tamén se fala implícitamente doutros factores
trascendentais a ter en conta cando se deseña e configura unha páxina web;
a cantidade dos contidos, a distribución dos mesmo (aquí realmente falariamos do
deseño que a páxina adopte para adaptarse aos contidos aínda que tamén é relevante),
a fiabilidade dos contidos (un punto articular neste tema xa que un contido fiable é un
contido no que se pode confiar e, polo cal, ao cal se pode recorrer sen perigo de ser
enganado), o feito de que haxa unha conexion intrínseca entre a forma que adopten os
contidos e os propios contidos, e por ultimo, e non por iso menos importante as facilidades
que se lle presten ao usuario dos mesmos para o seu acceso (referíndonos esencialmente
á rapidez de acceso á páxina).
Boa exposición e boa exemplificación tamén.

Comentario e reflexión sobre a exposición: Logotipos

Un tema tan importante e identificativo como é a representación corporativo por medio dunha icona, texto ou elemento combinativo dos dous anteriormente citados é un asunto trascendental no recoñecemento dunha empresa ou institución.
De feito, esta exposición amosou uns aspectos moi interesante arredor do tipo de logotipos, da etimoloxía e uso correcto ou non da propia palabra "logotipo" e así mesmo, de aportar un tipo de pautas sobre as consideracións e factores que inflúen á hora de diseñar un logotipo efectivo.
Exemplos non faltaron; o máis emblemático para o que puidemos apreciar nós foi o de Google, unha verdadeira identidade corporativa que simboliza maxistralmente o que podemos chamar dinanismo. Dinamismo que non só se pretende identificar coa empresa senón tamén co logotipo.
A entrevista coas Maruxas Creativas pareceunos moi apropiada e de reforzo sobre o que xa comentaran Lucía, Zaida e Patricia.
E por último sinalar que o xogo dos logotipos puxo un punto e final a unha moi traballada exposición e entretida.

Consellos e advertencias para realiza-la nosa web extraídos das exposicións do 25/11/2009

Tipografía:

• Vixia-lo espaciado entre as letras e liñas (adecuándoo segundo o caso).
• É importante a decisión sobre o tipo de fonte e estilo das letras, xa que vai caracterizar e darlle personalidade ó texto, por iso debe haber coherencia entre o tipo de letra e o que representa.
• Hoxe en día, non se debe prestar atención ás marxes e páxinas: iso quedou no pasado, nas máquinas de escribir.
• As cores deben combinar tamén co estilo da letra, para facer o texto único e coherente, ademáis de fácilmente recordable.
• A cor de fondo da páxina non debe facer difícil a lectura do texto.
• Trata-los números como letras.
• Poñe-las tipoloxías de letra diferentes ó mesmo tamaño.
• As letras máis grandes deben levar menos espaciado.
  

Elementos da comunicación audiovisual:

• É importante ter en conta a paleta de cores (paleta web con 216 cores), e combinalas tamén con algo de coherencia e axeitándoas ó contido do texto.
• Vixiar a saturación.
• Elexir un textura axeitada ó que queremos representar ou comunicar.
• A colocación dos elementos debe ser cómoda e fácilmente accesible (facilidade de uso).
• É importante prestar atención ós módulos.

Idea para paxina web!

Saúdos yogurines,
Despois de mil ideas vagando pola nosa cabeza, metada desbotadas por nos mesmos e as outras desbotadas por Marita, a nosa idea actual é crear unha paxina web da nosa propia axencia de publicidade. A idea veunos mentres tomabamos un vitalinea de danone acompañado de ron cola. A idea é unha paxina dirixida a empresas que soliciten a nosa creatividade para promocionar os seus productos no mercado nacional e internacional. Somos especialistas en campañas dirixidas á xuventude, de productos como, perfumes, preservativos, roupa, alcohol, xeados, tecnoloxía. Somos unha axencia a que nos gusta xogar co provocativo e cos temas tabús e explotalos ó maximo; iso permítenos impactar moito máis o espectador.
A paxina web como primeira idea queremos que sea orixinal, cunhas cores escuras tampouco moi rechamantes, donde expoñamos algun dos nosos traballos e información referente ó cantacto, tarifas, ambito laboral, estatísticas etc...
Este é o proxecto inicial vexamos como se desenvolve a nosa idea.

Bikiños de yogur de fresa!!!