Comentario da exposición: Piratería e propiedade intelectual

Tema de actualidade pero arduo á vez aínda que tamén ven de crear polémica recentemente e que segue a crear, aínda que moitos consumidores de contidos multimedia están desinformados ao respecto.

O comezo da exposición é realmente necesario; que é a propiedade intelectual e, polo tanto, en qué casos podemos falar de piratería. A posesión de ideas ou de creación mentais que nos pertencen é unha actividade creativa vinculada dende o inicio da súa existencia ao ser humano, tanto como o segundo termo, a apropiación das ideas alleas como se fosen propias. Verdadeiramente, hai moita confusión ao respecto, sen embargo a lexislación existente, é non demasiado difusa; considérase delito sempre e cando haxa ánimo de lucro no uso de material en cuestión.

Ante isto é incomprensible que se impoña un "cánon" ou compensación por copias privadas cando a Lei permite, para uso particular, que calquera poida facer unha copia dunha película ou dun DVD calquera, case coma o tratamento que se lle poida dar a un ladrón. Poida que non roubara, pero por se acaso, cóbranme de anteman.

Uns interesantes videos dun avogado arredor deste tema, deixa claro este aspecto que veño de comentar, certos delitos que se consideran a simple vista de maior gravidade teñen penas ou multas menores á que poida ter o pirateo dun CD ou dunha película.

Tampouco esquecer a referencia á nova lei antidescargas que recentemente se veu de aprovar para poñer en práctica canto antes. Un peche masivo de web non parece unha solución real que poida funcionar, pero iso non ten cabida aquí. Exposición completa e ben estruturada.