Comentarios sobre as webs

FRIKISPORTS:
-Deseño: o deseño non é forte desta páxina. Mezcla estruturas formais con outras que tiran cara o contrario.
-Funcionalidade: a verdade é que a estrutura da páxina ten todo que ver co título da mesma. Cumpre o seu propósito.
-Contido: teño que dicir que este si é o punto forte da páxina. Resultoume moi graciosa e interesante a maior parte da información.
-Utilización: ás veces tarda moito en cargar, como no falso index. Ao ter un fondo branco, non hai moitos problemas de visualización.
Nota: 7.

BANG:
-Deseño: considero que o deseño é moi acorde coa temática que tratan e gústame o detalle de que os botón sexan pistolas.
-Funcionalidade: está moi ben adaptada a como son as páxinas web de películas de verdade, non lle falta ningún servizo neste aspecto.
-Contido: moi orixinal, xa que é todo do colleita propia do grupo.
-Utilización: é unha páxina fácil de navegar. Clara e concisa.
Nota: 7,5.

REVOLUCINE:
-Deseño: moi ordenada e estruturada. Gústame a elección de cores e e fotos; moi acorde. O que non me convence de todo é a tipografía.
-Funcionalidade: é unha páxina moi interesante, aínda que non queda totalmente definido o seu propósito dende o meu punto de vista.
-Contido: orixinal, sobre todo o das preguntas sobre cine. Pero poríalle algunha sección máis.
-Utilización: un gran punto a favor, que a falsa portada carga moi rápido. É moi fácil de navegar e non dá lugar a confusións. Pero creo que hai un problema cos botón porque pon ‘missing plugging’.
Nota: 9.

MALDIA:
-Deseño: gústame moito porque as cores e a estética están totalmente adaptadas ao heavy.
-Funcionalidade: considero que ten todos os aspectos que unha páxina sobre un grupo desas características debería ter.
-Contido: ademais de orixinais, gústame o slide de fotos e os enlaces aos seus blogs e demais páxinas. Permiten coñecelo todo sobre o grupo.
-Utilización: moi sinxela, navégase de forma moi cómoda e os menús e seccións son moi claros. Ben feito rapaces!
Nota: 8,5.

AS TRES EN PUNTO:
-Deseño: sen dúbida, este aspecto é o mellor desta páxina. Creo que xenial quédase curto. O único que sería un pouco negativo e que dependendo de en que ordenador e con que pantalla vexas a páxina, está queda ás veces como un pouco estirada, porque ao ter os bordes negros aos lados ás veces queda moi vertical.
-Funcionalidade: o propósito da páxina, que é darnos a coñecer a estas tres belezas, queda máis que cumprido. Se alguén está buscando unha escritora, unha pintora ou unha fotógrafa, vai ficar satisfeito cando vexa ‘As tres en punto’.
-Contidos: tremendamente orixinais e creativos, creo que debe ser tamén das que máis me gustou de todas. A verdade é que estas rapazas si que saben de promocionarse.
-Utilización: a pega que ten é que tantos contidos tan interesantes ralentizan moito a páxina, porque son moitos vídeos, fotos etc. A navegación é fácil e intuitiva.
Nota: 8.

AS DE CORAZÓNS:
-Deseño: cores axeitadas ao tema do corazón. A tipografía non me convence de todo.
-Funcionalidade: claramente, cumpre a súa función e con creces: ridiculizar o mundo do corazón.
-Contido: é unha páxina moi creativa e orixinal, xa que todos os contidos son feitos polos creadores.
-Utilización: tarda en cargar debido á grande cantidade de contidos audiovisuais. Os menús e as seccións son clara e concisas, polo que a navegación non se complica.
Nota: 9.

MADRESELVA:
-Deseño: encántame o deseño desta páxina. Sinxelo, alegre e totalmente dacordo coa temática.
-Funcionalidade: a que mellor se adapta sen dúbida á súa misión. Ademáis, ten proxectos de futuro como crear unha sección onde se mostren os xardíns etc.
-Contido: moi completa e non deixa dúbidas en ningún aspecto.
-Utilización: moi fácil de navegar, carga rápido e todo está moi claro. Felicidades Isac, simplemente xenial!
Nota: 10.

CHITA FAN CLUB:
-Deseño: o deseño diría que non é moi profesional, pero as cores si están ben escollidas ao meu parecer.
-Funcionalidade: a verdade é que para o que foi creada, a páxina é realmente útil. Non tiña nin idea da metade das cousas que conta. E todo funciona correctamente. Así que o seu propósito cumpriuse.
-Contido: realmente orixinal. Non creo que sexa moi fácil atopar e xuntar toda a información para crear unha web coherente sobre a mona Chita.
-Utilización: é sinxela e carga rapidísimo. Os menús estáticos e séguese unha organización coherente en toda a páxina.
Nota: 7,5.

M.GESTEIRA:
-Deseño: sinxelo e con coherencia de cores. A tipografía non me convence moito. Porén, as sección están moi ben estruturadas.
-Funcionalidade: cumpre a súa misión, a de publicitar a devandita empresa.
-Contido: sobrios e adecuados á temática. Informan sobre a actividade da empresa. A pena é que ao escoller publicitar unha empresa real, a orixinalidade está moi limitada.
-Utilización: fácil de navegar e sinxela. Non presenta ningún tipo de problema.
Nota: 7.

DEPORTE NO ES SOLO FÚTBOL:
-Deseño: a verdade é que a estética desta páxina non é o seu forte, pero a intención que lle dá é alegre.
-Funcionalidade: correcta. Dáse información sobre o resto dos deportes que non son o deporte rei.
-Contido: axeitado, e paréceme boa a idea do mapa e a do crucigrama.
-Utilización: tarda bastante en cargar o index. Os menús son claros e concisos e as cores non dificultan en ningún momento a navegación.
Nota: 7.

MEQUETREFES:
-Deseño: o deseño é bo, aínda que considero que as cores non están ben escollidas pois queda unha páxina mois escura ás veces e por exemplo o botón de acceso (Entrar) apenas se distingue entre o fondo negro.
-Funcionalidade: dá a información que daría calquera páxina dun grupo de teatro, e considero que é útli para coñecelos.
-Contido: tamén orixinal pois intentaron facer uso da linguaxe para darlle un toque máis orixinal á páxina, aínda que segue sen convencerme dentro do diseño a tipografía, que alterna maiúsculas e minúsculas e algunhas outras cousas.
-Utilización: é sinxela de utilizar, os links funcionan correctamente e a única pega e que tarda un cachiño en cargar.
Nota: 7.

SE TE VA LA OLLA:
-Deseño: as cores son axeitadas ao contido, sen embargo creo que non deron coa combinación correcta de estrutura, cores etc. para chegar a unha estética máis axeitada.
-Funcionalidade: falan realmente do que anuncian, aínda que o propósito da páxina ás veces queda un pouco sen definir.
-Contido: gústame que escollesen esta idea porque a ninguén se lle pasou pola cabeza facer unha páxina sobre un tema que sexa de tanto interese para os adolescentes.
-Utilización: non resulta unha páxina moi intuitiva. Se estivese estruturada doutra formo coido que sería máis fácil de navegar.
Nota: 7.

MASTERCAV’S:
-Deseño: gústame moito a estética da páxina: as cores, a distribución, as seccións…
-Funcionalidade: sen dúbida, para nós a de maior utilidade. É xenial poder ver os traballos e perfís dos nosos compañeiros.
-Contido: simplemente xeniais, pero ¡faltaría máis! ¡Se somos nós!.
-Utilización: é sinxela e con menús claros. Moi ben feito rapazas! :)
Nota: 9.

SMDb:
-Deseño: a estética non é realmente do meu gusto, pero iso si, é máis que axeitada para o tema. Porén, creo que queda moi pequeno o vídeo, as letras e a descrición dos filmes.
-Funcionalidade: realmente impresionoume o que escolleron, pero creo que falta algunha película máis nalgún dos botóns.
-Contido: interesante, e sobre todo para nós CAV’s. Pero como xa dixen, ampliaría algunha das seccións.
-Utilización: ao principio non resulta moi intuitiva, pois non sabes moi ben cara onde dirixirte cando a abres por primeira vez. Pero unha vez que xa entraches, vai como a seda.
Nota: 9.

NEOTERISTAD:
Valorar o traballo dun mesmo sempre resulta complicado, así que vou tentar ser o máis obxectiva posible. O deseño da páxina considero que é axeitado, aínda que as cores poden resultar chocantes ás veces. O falso índex resultou non ser moi intuitivo, pero polo contrario o resto da páxina si que considero que é cómoda e fácil. Quizais resulte ás veces un pouco sobria, ás veces un pouco colorida, pero cumpre totalmente a función dunha empresa de publicidade. En canto os contidos, creo que son orixinais e interesantes para a xente de clase, pois estamos amosando proxectos de compañeiros doutras facultades que estudan o mesmo ca nós. E a navegación creo que é, xunto cos contidos, o mellor aspecto da páxina. Sinxela, con botóns traballados e que axudan á navegación, os links funcionan todos perfectamente e ningún elemento da páxina fai nada fora do previsto. Todo no seu sitio, como ten que ser nunha boa empresa ;)

Caterina Lima Martínez